Shamollar uyg‘ondi - barg hayajonda.
Hatto yer ostida qo‘zg‘aldi ilon,
Dunyo ko‘zlarini ochayotganda
Ketgim kelmayapti,* onajon.
O‘ngirlarda kezar muzdek havolar,
Ishqalab qobog‘in ko‘tarar osmon.
Mana shu bog‘larni ko‘rmasdan turib,
Ketgim kelmayapti, onajon.
Qizlarning ovozi kelyapti munis,
Ishq desam - daftarga sachrab ketdi qon.
Suymasa suymapti bir chiroyli qiz,
Dunyoda qiz kammi, onajon.